काठमाडौ। गत २८ अप्रिलबाट प्रदर्शनमा आएको दक्षिण भारतीय चलचित्र बाहुबली – २ ले नयाँ–नयाँ इतिहास रचिरहेको छ । हालसम्म बलिउड फिल्मको कमाईलाई पनि पछि पार्दै १ हजार करोडको कमाई गरेको छ ।
भारतीय चलचित्र उद्योगमा लामो समय बिताएका रमेश बालाले आफ्नो टुईटरमा बाहुबली –२ को कमाईको बारेमा लेखेका छन् ‘फिल्मले भारतमा ८०० करोड तथा भारतबाहिर २०० करोड रुपैयाँको ब्यापार गरि हालसम्मकै सर्वाधिक १००० करोडको व्यापार गर्ने पहिलो भारतीय फिल्म बनेको छ ।’
बाहुबलीले २ ले ९ दिनको व्यापारमा यतिको धेरै कमाई गरेको हो । फिल्म हेर्नेको क्रेज अझैपनि उस्तै रहेको कारणले अझै व्यापार बढ्ने प्रश्ट छ । कतिपय फिल्म समिक्षकहरुले त फिल्मले १५०० करोडको व्यापार गर्ने आंकलन गरेका छन् ।
प्रकाशित मितिः २०७४ बैशाख २४
वि.सं.२०७४ वैशाख २४ आइतवार १३:४९ मा प्रकाशित