काठमाडौ । यस बर्षको बहुप्रतिक्षित दक्षिण भारतीय फिल्म बाहुबली २ को चर्चा यति बेला विभिन्न कारणले छ । केही दिन अगाडी फिल्मका प्रोड्यूसर शोबू यारलागड्डाले एमिरेट्स एयरलाइन्समाथी रंगभेदको आरोप लगाए र अहिले खबर बाहिर आएको छ कि फिल्मको केही सिन लिक भएको छ ।
रिपोर्ट्सका अनुसार, धेरै सोसल प्लेटफर्मसमा फिल्मको प्रिभ्यू शोबाट केही भिडियो यतिबेला भाइरल बनेका छन् । बताईएअनुसार भिडियोलाई ट्विटरमा पनि पोस्ट गरिएको थियो, तर अहिले उपलब्ध भने छैन । तर, फिल्मका प्रोड्यूसर शोबू यारलागड्डाले यो खबरको खण्डन गरेका छन् ।
उनले ट्विटरमा लेखेका छन्, विभिन्न देशहरुको सेन्सर बोर्ड बाहेक बाहुबली २ अन्य काहीँ कतै देखाइएको छैन् । बताइदिउँ, बाहुबलीको पहिलो भाग पनि रिलिज अगावै अनलाइनमा लिक भएको थियो, जसमा प्रभास र अनुष्का शर्मा आर्मीको युद्धका लागि तयारी गरिरहेका थिए ।
खबरका अनुसार, फिल्मको पहिलो विकेन्डको लगभग सबै टिकट बुक भैसकेको छ । केही ट्रेड एनालिस्टका अनुसार, बाहुबली २ हजार करोड कमाउने पहिलो भारतीय फिल्म बन्न सक्छ । फिल्म दुनियाँभर ५ हजार स्क्रिनमा रिलिज हुँदैछ ।
२५० करोडमा बनेको बाहुबली द कन्क्लूजन मा प्रभास, राणा दग्गुबाती, अनुष्का शेट्टी, तमन्ना, राम्या कृष्णन र सत्यराज महत्वपूर्ण भूमिकामा छन् ।
प्रकाशित मितिः २०७४ बैशाख १५
वि.सं.२०७४ वैशाख १५ शुक्रवार १३:४४ मा प्रकाशित
