काठमाडौ। अब तपाईंले बैंक तथा वित्तीय संस्थामा खोलेको खाता बन्द गर्दा पनि पैसा तिर्नुपर्ने भएको छ । यसअघिको व्यवस्थामा बैंक खाता बन्द गर्दा शुल्क तिर्नुपर्दैन थियो । तर, बैंकहरुले विभिन्न बहानामा शुल्क लिँदै आएका थिए ।
तर, नेपाल राष्ट्र बैंकले मंगलबार एकीकृत निर्देशिका जारी गर्दै बैंक खाता खोलेको ६ महिनाभित्र खाता बन्द गर्दा शुल्क तिर्नुपर्ने नीतिगत व्यवस्था गरेको हो ।
बैंक तथा वित्तीय संस्थाहरुले शुल्क नलिएका कारण ग्राहकले खाता खोल्दै, बन्द गर्दै गर्ने गरेका कारण आफूहरुको लागत बढेको गुनासो गर्दै आएका थिए । उनीहरुले बैंक खाता खोल्दा र बन्द गर्दा शुल्क लिन पाउनुपर्ने व्यवस्था गरिदिनसमेत आग्रह गरेका थिए ।
बैंकहरुको मागको सुनुवाई गर्दै राष्ट बैंकले बैंक खाता खोलेको ६ महिनाभित्र खाता बन्द गर्दा बैंकले शुल्क लिन पाउने व्यवस्था गरिदिएको हो ।
प्रकाशित मितिः २०७४ साउन ३२
वि.सं.२०७४ साउन ३२ बुधवार ११:०७ मा प्रकाशित