काठमाण्डौं । सरकारले आगामी आर्थिक वर्षभित्रै सबै स्थानीय तहमा कम्तिमा बैंकको एक शाखा खोल्ने योजना अगाडि सारेको छ। सरकारले ७४४ वटै स्थानीय तहमा बैंकिङ क्षेत्रको पहुँच विस्तारका लागि नेपाल राष्ट्र बैङ्कलाई निर्देशन दिएको हो।
हिजो मंगलबार अर्थमन्त्रालयमा उपप्रधान तथा अर्थमन्त्री कृष्णबहादुर महराले सबै स्थानीय तहमा बैंकका शाखा खोल्न निर्देशन दिएका हुन्। त्यसको आवश्यक प्रक्रिया अगाडि बढाउन राष्ट्र बैङ्क तथा राष्ट्रिय योजना आयोगले तत्काल काम अगाडि बढाउने भएका छन्।
राष्ट्र बैंकका अनुसार, तीन सरकारी बैक कृषि विकास, राष्ट्रिय बाणिज्य र नेपाल बैकका द्वन्द्वकालमा ३१८ वटा शाखा बन्द भएका थिए। अहिलेसम्म सरकारले जम्मा १५१ शाखाहरु मात्र पुनर्स्थापित भएका छन्। अझै १६७ वटा शाखा पुनर्स्थापित हुन बाँकी छन्।
३० चैत २०७३, ७।००
वि.सं.२०७३ चैत ३० बुधवार ०८:०१ मा प्रकाशित
