काठमाण्डौं । लोडसेडिङबाट वाक्क भएका जनतालाई राहत दिन सरकारले बिजुली पुगेका क्षेत्रमा २।२५ प्रतिशत सहुलियत ब्याजदरमा बिनाधितो सोलार जडानका लागि दिएको ऋण लिने उपभोक्ता फेला पार्न नसकेको बैंकले जनाएको छ ।
सहरी क्षेत्रमा सोलारका लागि अहिले ४ वटा बैंक सिभिल, एनएमबी, नेपाल इन्भेष्टमेन्ट र हिमालय बैंकले यस्तो ऋण दिइरहेको छन् । बैंकहरुले घरमा जोडिने सोलार नै धितो राखेर यस्तो कर्जा दिन्छन् ।
पाँच वर्षसम्म चुक्ता गर्नुपर्ने ऋणको झण्डै ७ दशमलव ७५ प्रतिशत ब्याज वैकल्पिक उर्जा प्रवर्द्धन केन्द्र आफैंले बैंकलाई तिर्ने सुविधा उपलब्ध भए पनि उपभोक्ताले नै चासो नदिएपछि सरकारको यो लक्ष्य तुहिने अवस्थामा पुगेकोछ ।
बैंकहरुले कुल ९ प्रतिशत ब्याजदरमा लगानी गर्ने ऋणको ७५ प्रतिशत ब्याज सरकारले नै तिर्ने व्यवस्था गरे पनि जनताको चासो एवं ध्यान यसतर्फ नपुग्नाले यो सेवा र यत्तिकै रहन पुगेको स्रोतले बतायो ।
फागुन २, २०७२/११.००
वि.सं.२०७२ फागुन २ आइतवार १२:२६ मा प्रकाशित
