काठमाण्डौं । बैंक अफ काठमान्डु (बीओके)का सेयरधनीले २६ प्रतिशत बोनस सेयर पाउने भएका छन् । मंगलबार बसेको बैंकको २१ औं वार्षिक साधारण सभाले उक्त प्रस्ताव पारित गरेको छ ।
यसले २६ प्रतिशत बोनस सेयर र सोको कर प्रयोजनका लागि १ दशमलव ३७ प्रतिशत नगद लाभांश वितरण गर्न बैंकलाई बाटो खुला गरेको छ ।
साधारणसभाले बीओके र लुम्बिनी बैंक आपसमा गाभिएर ‘बैंक अफ काठमान्डु लुम्बिनी लिमिटेड’ नाममा सञ्चालन हुने विशेष प्रस्ताव पनि पारित गरेको छ ।
मर्जरका लागि लुम्बिनी बैंकको १ कित्ता सेयर बराबर बैंक अफ काठमान्डुको ० दशमलव ८२८१ कित्ता सेयर (सेयर मिलान अनुपात (स्वाप) दिइने प्रस्ताव पनि पारित भएको जारी विज्ञप्तिमा उल्लेख छ । हाल यो बैंकले ५६ शाखा, ५७ एटीएम तथा ७ एक्स्टेन्सन काउन्टरमार्फत वित्तीय सेवा प्रदान गर्दै आएको छ ।
१९ जेठ २०७३, ९।००
वि.सं.२०७३ जेठ १९ बुधवार ११:३७ मा प्रकाशित