बार्सिलानाले प्रभावशाली जित निकाल्दै स्पेनिस ला लिगाको उपाधि होडमा आफूलाई बलियो रुपमा प्रस्तुत गरेको छ । लिग अन्तर्गत बुधबार राति भएको खेलमा बार्सिलोनाले ओसासुनालाई ७–१ ले हरायो ।
बार्सिलोनाको जितमा लियोनल मेस्सीले, एण्ड्रे गोमोज र पाको अलकेसरले दुई दुई तथा मास्चेरानोले एक गोल गरे । ६७ औं मिनेटमा मास्चेरानोले पेनाल्टी मार्फत गरेको गोल बार्सिलोनाका लागि उनले गरेको पहिलो गोल थियो । उनले उनी बार्सिलोनाबाट खेल्न थालेको सात वर्ष भयो ।
सात वर्षको अवधिमा सबै प्रतियोगितामा गरेर उनले तीन सय १९ खेल खेलिसकेका छन् । तर ओसासुनासँगको खेलमा गरेको गोल नै उनले बार्सिलोनाका लागि गरेको पहिलो गोल हो । ३२ वर्षका मास्चेरानो सन् २०१० मा लिभरपुलबाट बार्सिलोना आएका हुन् । उनले सिनियर क्लब फुटबलमा अहिलेसम्म तीन गोल गरेका छन् । उनले लिभरपुलमा तीन वर्ष खेले र दुई गोल गरेका थिए । क्लबबाट पहिलो गोल गर्न पाउँदा खुशी लागेको मास्चेरानोले बताए । पेनाल्टीमा उनले गोल गरेपछि टिमका साथीले उनलाई बधाई दिएका थिए । मास्चेरानो क्लबको महत्वपूर्ण खेलाडी रहेको र आफू उनको गोलबाट निकै खुशी रहेको प्रशिक्षक लुइस इन्ड्रिकले बताएका छन् ।
प्रकाशित मितिः २०७४ बैशाख १४
वि.सं.२०७४ वैशाख १४ बिहीवार १३:०२ मा प्रकाशित
