भक्तपुर । भक्तपुरमा चैत्र २२ गतेदेखी शुरु भएको औद्योगिक, साँस्कृतिक तथा व्यापार मेलाको नौ दिनमा छ करोडको कारोवार भएको छ ।
उपभोक्तालाई एकै थलोबाट सम्पूर्ण सामान उपलब्ध गराउने उद्देश्यले बैशाख २ गतेसम्म चल्ने मेलाको नवौं दिनमा छ करोडको कारोवार भएको आयोजक औद्योगिक शान्ति नेपाल संस्थाका अध्यक्ष सन्दिप महतले जानकारी दिए ।
मेलामा बिक्री गरिने सामानहरुमा २५ प्रतिशतदेखि ५० प्रतिशतसम्म छुट दिने ब्यवस्था गरिएकाले उपभोग्य सामग्री किन्नेको भिड लागेको आयोजकले जनाए ।
मेलामा दैनिक राष्ट्रिय स्तरका कलाकारहरुको सांगितिक प्रस्तुतीका साथै हाँस्य व्यङ्य प्रस्तुती राखिएकै कारण सांगितिक प्रस्तुती हेर्नकै लागि पनि दर्शकको भिड लागेको कार्यक्रम संयोजक दिपक थापाले जानकारी दिनुभयो ।
मेलामा बुधबार रबिकुमार रिमाल, एमटी ८८४८ व्याण्ड लगायतको सांगितिक प्रस्तुती र जादुगर महादेव त्रिपाठीको जादु हेर्न दर्शकको भिड लाग्यो ।
औद्योगिक शान्ति नेपाल संस्था र मध्यपुर व्वाइज व्याण्डले भक्तपुरको सल्लाघारीमा आयोजना गरेको मेलामा अटोमोवाईल, राष्ट्रिय तथा स्थानीय खाना महोत्सव, बिभिन्न ब्राण्डका मोवाईल, ईलेक्ट्रोनिक्स सामानलगायतका २ सय २५ स्टल रहेको संस्थाका अध्यक्ष सन्दिप महतले जानकारी दिए ।
मेलामा दैनिक उपभोग्य सामाग्रीहरु, खाद्यान्नका सामाग्रीहरु, बिभिन्न्न प्रकारका लत्ताकपडा, जुत्ताहरु, कृषि तथा हस्तकलाका सामाग्रीहरु, भाँडाकुडाका सामाग्रीहरु, पर्यटन प्रवद्र्धन गर्ने स्टल रहेको छ भने सात दर्जनभन्दा बढि राष्ट्रिय तथा स्थानीय कलाकारहरुको प्रस्तुती रहेको मध्यपुर व्वाइज व्याण्डका अध्यक्ष सुनिल बज्राचार्यले जानकारी दिए ।
चैत ३०, २०७३
वि.सं.२०७३ चैत ३० बुधवार १७:०६ मा प्रकाशित
