काठमाडौ । राष्ट्रपति विद्यादेवी भण्डारीले संसदमा प्रस्तुत गरेको सरकारको आर्थिक वर्ष २०७४/७५ को नीति तथा कार्यक्रमलाई पूर्वउप्रधान तथा अर्थमन्त्री भरतमोहन अधिकारीले स्वागत गरेका छन् । पूर्वअर्थमन्त्री अधिकारीले सरकारमाथि नै नैतिक प्रश्न उठाउँदै नीति तथा कार्यक्रमलाई स्वागत गरेका हुन् । उनले कामचलाउ सरकारले नीति तथा कार्यक्रम ल्याएकोप्रति इगित गरेका हुन् ।
व्यवस्थापिका संसदमा नीति तथा कार्यक्रम प्रस्तुत भएपछि संचारकर्मीहरुसँग प्रतिक्रिया दिंदै अधिकारीले स्थानीय तहको दोस्रो चरणको चुनाव समयमै सम्पन्न गर्ने र २०७४ माघ ७ गतेभित्र तिनै तहको चुनाव सम्पन्न गर्ने कार्यलाई स्वागत गरिएको बताए ।
त्यस्तै संक्रमणकालको अन्त्य गरेर अगाडि बढ्ने कुरा नीति तथा कार्यक्रममा आउनु स्वागतयोग्य कदम भएको बताए । अब आउने सरकारले यी दुर्य कार्यलाई निरन्तरता दिनुपर्नेमा उनको जोड रहेको छ ।
प्रकाशित मितिः २०७४ जेठ ११
वि.सं.२०७४ जेठ ११ बिहीवार १६:५८ मा प्रकाशित
