काठमाडौं । सौहाद्रपूर्ण तवरले सञ्चालन भैरहेको भरतपुर महानगरको मत गणना कार्य राती एकाएक मत पत्र च्यातिएपछि अनिश्चितता तर्फ धकेलिएको छ । राती करिव ११ः४५ बजे नेकपा माओवादी केन्द्रका प्रतिनिधिले मत मत्र च्याते पछि उत्पन्न विवादले चर्को रुप लिएको छ ।
विवाद गणनालाई निरन्तरता कि पुनः मतदान भन्नेमा अल्झिएको छ । चितवनमा कृयाशिल राजनीतिक दलहरुले आ–आफ्नै तर्क र दलिल पेश गर्दै विज्ञप्ति जारी गरेका छन् । नेकपा एमालेले आफ्नो उम्मेदवार देवी ज्ञवाली जित्ने निश्चित भएपछि विवाद सृजना गर्न माओवादी केन्द्रका प्रतिनिधीले मत पत्र च्यातेको आरोप लगाएको छ । नेकपा एमालेको आरोपलाई सत्यतामा वदल्दै चितवन प्रहरीले पनि घटनामा माओवादी कार्यकर्ता दोषी देखिएकाले नियन्त्रणमा लिएको स्पष्ट पारेको छ ।
हेर्नुहोस चितवन एसपीको भनाई
त्यस्तै काँग्रेस माओवादीको गठबन्धनले पुनः मतदान हुनु पर्ने माग गर्दै विज्ञप्ति जारी गरेको छ । गठबन्धनबाट उम्मेदवार बनेकी पधानमन्त्री प्रचण्डपुत्री रेणु दाहाल एमाले उम्मेदवार भन्दा करिव सात सय मत तल रहेकी थिइन ।
घटनाका सम्बन्धमा तीनै दलद्वारा विज्ञप्ति मार्फत भ्रत्सना गरिएको छ । सोही घटनालाई लिएर नेकपा एमालेले संसद अवरद्ध गर्ने चेतावनी दिएको छ । निर्वाचन आयोगले अन्तिम टुंगो नलगाएसम्म भरतपुर मत गणना की मतदान भन्ने अनिश्चित भएको छ ।
हेर्नुहोस तीन दलको छुट्टाछुट्टै विज्ञप्ति
१५ जेठ २०७४
वि.सं.२०७४ जेठ १५ सोमवार १४:५१ मा प्रकाशित