काठमाडौं । भतपुर महानगरमा मत पत्र च्यातिए पछि उत्पन्न विवादलाई टुंग्याउँदै आज निर्वाचन आयोगले निर्ण गर्ने भएको छ ।
घटना पछि गठन गरिएको छानविन समितिको प्रतिवेदन, स्थलगत मुचुल्का, विगतका नजिर र आगामी दिनमा हुनसक्ने विकृतिलाई ध्यानमा राखी निर्णय गर्न लागिएको निर्वाचन आयोग निकट स्रोतले जानकारी दियो । आयोगका पदाधिकारीहरु नै पक्ष विपक्षमा बाझिएपछि एक सातादेखि अनिर्णयको बन्दि बनेको भरतपुर निर्णयको प्रतिक्षामा छ । गठबन्धनका घटक नेपाली काँग्रेस र नेकपा माओवादी केन्द्र पुनः मतदानको पक्षमा उभिएका छन् भने नेकपा एमाले पुनः मत गणनाको माग राख्दै आन्दोलनमा छ ।
आयोगका पदाधिकारीहरु पनि यसैगरी बाझिएका छन् । स्रोतका अनुसार प्रमुख निर्वाचन आयुक्त अयोधिप्रसाद यादव, आयुक्त नरेन्द्र दाहाल र इला शर्मा मत गणनाको पक्षमा उभिएका थिए भने आयुक्तहरु सुधिर शाह र इश्वरी पौडेल पुनः मतदानको पक्षमा उभिएका थिए । संवेदनशिल विषयमा सर्वसम्मत निर्ण गर्दै आएको निर्वाचन आयोगले पदाधिकारी नै पक्ष विपक्षमा उभिएपछि चाँडो निर्णय गर्न नसकेको स्रोतले बतायो ।
संसर भरका नेपालीको ध्यान खिचेको भरतपुर काण्डबारे निर्ण के आउला भनेर सबैको चासो बढेको छ ।
२० जेठ २०७४
वि.सं.२०७४ जेठ २० शनिवार १५:०० मा प्रकाशित