काठमाडौ । रक्षामन्त्री भीमसेनदास प्रधानले मुलुकलाई अग्रगतितर्फ लैजानका लागि अब ७० वर्ष उमेर पूरा भएका नेतालाई सक्रिय राजनीतिमा आउन प्रतिबन्ध लगाउनुपर्ने बताएका छन् । गण्डक टोखा प्रजातान्त्रिक समाजले मंगलबार काठमाडौमा आयोजना गरेको कार्यक्रममा मन्त्री प्रधानले वृद्ध नेताले मुलुकलाई प्रस्ट दृष्टिकोणका साथ अगाडि बढाउन नसक्ने बताए ।
समानुपातिक निर्वाचन प्राणालीको पनि अन्त्य गर्नुपर्नेमा जोड दिँदै उनले यस व्यवस्थाले लक्ष्य गरेका वर्ग समूह आरक्षित हुन नसकेको र स्थिर सरकार निर्माण हुन सम्भावना नरहेकामा चिन्ता व्यक्त गरे ।
प्रकाशित मितिः २०७४ भदौ ४
वि.सं.२०७४ असोज ४ बुधवार १०:४६ मा प्रकाशित