काठमाडौं । भुटानी शरणार्थी शिविर व्यवस्थापन समिति झापा–मोरङले सरकार समक्ष पाँच बुँदे माग अघि सारेको छ ।
रिपोर्टर्स क्लब नेपालमा शिविरले पत्रकार सम्मेलन गरेर, स्वदेश फिर्ता हुन पाउनुपर्ने, तेस्रो मुलुकमा जान पाउनुपर्ने, स्थानीयकरण गरिनुपर्ने लगायतका मागहरु अघि सारेको छ ।
आयोजित पत्रकार सम्मेलनमा माओवादी केन्द्रका सांसद अनमनलाल मोदीले शरणार्थीहरुको समस्या जतिसक्दो चाँडो समाधान गर्नको लागि सरकारलाई आग्रह गर्ने बताएका छन् ।
मानवजाती सर्वोत्कृष्ट प्राणी भएको भन्दै मानिस हुनुको गर्व गर्न पाउनु पर्नेमा जोड दिए ।उनले भने, ‘मानव हुनुको नाताले पनिपारिवारिक सम्बन्ध र देश छोडेर अरुको देशमा शरणार्थी भएर बस्नुको पिडा कारुणीक छ, यो विषयलाई अन्तराष्ट्रिकरण गर्नुपर्छ, जहाँसम्म नेपाल सरकारले नागरिकता दिनुपर्छ भन्ने माग छ त्यो पुरा नहुनसक्छ, किनकी यस्ता रित बसालेको खण्डमा हाम्रो राष्ट्रियता कमजोर बन्छ ।’
त्यस्तै एमाले सांसद महेन्द्रा लिम्बुले शिविरमा मानवताको खडेरी परेको बताएकी छिन् ।
उनले भनिन्, ‘हाम्रो देशमा जति शरणार्थीहरु छन् त्यहाँको स्थिति निक्कै नाजुक छ, हाम्रो मुलुकको स्थिति पनि त्यस्तै लथालिङगछ, तर सिविरको पीडा यहाँ पोख्न गाह्रो हुन्छ, यी समस्या समयमै समाधान नगरिए यसले ठुलो रुप लिन्छ ।
लामो समय शरणार्थी समस्या समाधानका लागि पहल भए पनि ठोस कदम उठान गर्न नसक्दा अझै पनि १० हजार हाराहारी नेपाली भाषी भूटानी शरणार्थीहरु थप कष्टकर जीवन विताउन बाध्य छन् । २००७ देखि सुरु गरिएको तेस्रो देश पुनर्वास कार्यक्रमले १ लाख बढी शरणार्थीहरु अमेरिका, क्यानाडा, नर्वे, वेलायत, न्युजरल्याण्ड, नेदरल्याण्ड, अष्टे«लिया, डेनमार्क लगायतका देशहरुमा स्थानान्तरण भईसकेका छन् । बाँकि रहेकालाई तत्काल व्यवस्थापन गर्न उनीहरुले माग गरेका छन् ।
प्रकाशित मिति २०७४ साउन १६
वि.सं.२०७४ साउन १६ सोमवार १६:३२ मा प्रकाशित