काठमाण्डौं । अमेरिकी पत्रिका फोर्ब्सले विश्वका अर्बपतिहरुको सूची सार्वजनिक गरेको छ । यो सूचीमा नेपालका उद्योगपति विनोद चौधरी यसपाली पनि सामेल छन् ।
चौधरी ग्रुपका अध्यक्ष बिनोद चौधरी विश्वका अर्बपतिहरुको सूचीमा १५६७ औं स्थानमा छन् । फोर्ब्सका अनुसार, उनको सम्पत्ति १ अर्ब ३१ करोड डलर छ । यो अघिल्लो वर्षको तुलनामा २० करोड बढी हो । चौधरी पहिलो पटक २०१३ मा विश्वका अर्बपतिहरुको सूचीमा परेका थिए ।
पहिलो नम्बरमा यसपटक पनि अमेरिकी धनाढ्य बिल गेट्स नै रहेका छन् । माइक्रोसफ्टका सह–संस्थापक उनको सम्पत्ति ८६ अर्ब डलर रहेको फोर्ब्सले जनाएको छ । गत वर्ष उनको सम्पत्ति १ अर्ब १ करोड डलर रहेको थियो ।
८ चैत २०७३, ११।००
वि.सं.२०७३ चैत ८ मंगलवार १३:२० मा प्रकाशित