काठमाण्डौं । दोस्रो पटक प्रधानमन्त्री भएपछि पहिलोपटक आज बिहीबार व्यवस्थापिका संसदमा सम्बोधन गर्दै प्रधानमन्त्री पुष्पकमल दाहाल ‘प्रचण्ड’ले सरकारले विदेशी जेलमा रहेर ब्लडमनी कुरिरहेका नेपाली कामदारलाई छुटाउन ५ लाख रुपैयाँ सीडमनी दिने घोषणा गरेको छन् । अहिले विदशेमा ब्लड मनी कुरिरहेकाहरुलाई सरकारले ५० हजारसम्म सीड मनी दिन सकिने व्यवस्था छ ।
प्रधानमन्त्री प्रचण्डले वैदेशिक रोजगारीका क्रममा मृत्यु भएकाको परिवारलाई दिने राहत पनि बढाएको घोषणा गरेका छन् । अहिले वैदेशिक रोजगार कल्याणकारी कोषबाट ३ लाख रुपैयाँ दिइन्छ । तर, कोषले कार्यविधि परिवर्तन गरेर ५ लाख पुर्याउने तयारी भइरहेको थियो । प्रधानमन्त्रीले यसलाई बढाएर सात लाख रुपैयाँ बनाउने घोषणा गरेका छन् ।
२३ भदौ २०७३, १२.३०
वि.सं.२०७३ भदौ २३ बिहीवार १२:५९ मा प्रकाशित
