काठमाडौ । बैंक अफ काठमान्डू लुम्बिनीले प्रिमियममा एफपीओ निष्कासन गर्ने भएको छ । बैंकले संस्थापक र सर्वसाधारण हिस्सा ४९ः५१ कायम गर्न एफपीओमार्फत संस्थापक सेयर बिक्री गर्न लागेको हो । यस आधारमा बैंकले ६२ लाख आठ हजार एक सय ३२ कित्ता एफपीओ प्रिमियम भाउमा बिक्री गर्ने भएको छ ।
बैंकको पुस १७ गते बसेको सञ्चालक समिति बैठकले एफपीओ निष्कासन गर्ने निर्णय गरेको हो । बैंक अफ काठमान्डू लुम्बिनीको हाल चुक्ता पुँजी चार अर्ब ५७ करोड ६८ लाख ९१ हजार रूपैयाँ रहेको छ । बैंकले २३ प्रतिशत बोनस सेयर दिने पनि प्रस्ताव गरेको छ ।
यो बैंकको रिजर्भ कोषमा चार अर्ब २० करोड रूपैयाँभन्दा बढी पैसा छ । बैंक अफ काठमान्डू र लुम्बिनी बैंक मर्ज भएर हाल बैंक अफ काठमान्डू लुम्बिनी नामबाट एकीकृत कारोबार भएको हो ।
प्रकाशित मितिः २०७३ पुस २०
वि.सं.२०७३ पुस २० बुधवार १४:३० मा प्रकाशित