काठमाडौ । गुराँस लाईफ इन्स्योरेन्स कम्पनी लिमिटेडको आठौं वार्षिक साधारण सभा काठमाडौको थापागाउँस्थित बानेश्वर बैंक्वेटमा चलिरहेको छ ।
साधारण सभामा सेयरधनीहरुलाई ८ प्रतिशत बोनस सहित कर प्रयोजनका लागि २३ लाख १५ हजार ७ सय ८९ रुपैंया नगद लाभाँस दिने प्रस्ताव लगिएको छ । यस्तै ८ प्रतिशत बोनस बाँडेपछि कम्पनीले सेयरधनीलाई ५० प्रतिशत हकप्रद सेयर वितरण गर्ने प्रस्ताव अगाडि बढाउनेछ ।
८ प्रतिशत बोनस र ५० प्रतिशत हकप्रद जारी गरेपछि कम्पनीको चुक्तापुँजी ८९ करोड १० लाख रुपैंया पुग्नेछ । बिमा समितिले आ.व २०७४÷२०७५ को अन्त्यसम्ममा जीवन बिमा कम्पनीको चुक्ता पुँजी २ अर्ब रुपैयाँ पुर्याउनुपर्ने निर्देशन दिएपछि गुराँसले बोनस र हकप्रदको बाटो रोजेको हो
प्रकाशित मितिः २०७४ असार ९
वि.सं.२०७४ असार ९ शुक्रवार ११:४६ मा प्रकाशित
