काठमाडौ । वेष्टर्न डेभलपमेन्ट बैंकको ११ औं वार्षिक साधारण सभा आज (मंगलबार) दाङको घोराही–स्थित होटल सिटिप्लाजाको सभाहालमा सुरु भएको छ । सभामा बैंकले गत वर्षको नाफाबाट सेयरधनीलाई १० प्रतिशत बोनस सेयर र कर प्रयोजनका लागि १.०५ प्रतिशत नगद लाभांस दिने विशेष प्रस्ताव पेस गर्दैछ ।
यसैगरी वेष्टर्न र नमस्ते वित्तीय संस्था एक आपसमा मर्ज हुने सम्बन्धी भएका सम्झौता तथा सहमतिपत्रमा १ः१ अनुपातको सेयर स्वाप रेसियो अनुमोदन गर्ने अर्को विशेष प्रस्ताव पनि सभामा लगिदैछ । मर्जर प्रकृयाको लागि भनेर बैंकले गत चैत २८ गतेदेखि नै बैंकको सेयर कारोबार रोकेको छ ।
चालु आर्थिक वर्षको तेस्रो त्रैमाससम्ममा वेष्टर्नको चुक्ता पुँजी ३१ करोड ३९ लाख २० हजार रुपैयाँ रहेको छ । १० प्रतिशत बोनस वितरण पश्चात बैंकको चुक्ता पुँजी ३४ करोड ५३ लाख १२ हजार रुपैयाँ पुग्नेछ ।
प्रकाशित मितिः २०७४ असार २७
वि.सं.२०७४ असार २७ मंगलवार १४:२१ मा प्रकाशित