काठमाण्डौं । नेपाल स्टक एक्सचेन्जमा आज आइतबार छ वटा कम्पनीको बोनस सेयर सूचिकृत भएको छ । नेप्सेमा सूचिकृत भएपछि अब लगानीकर्ताले यो सेयरको कारोबार गर्न पाउँने भएकाछन् ।
कुमारी बैंक लिमिटेडले गत वर्षको नाफाबाट दिएको २६ लाख ७२ हजार ५२ कित्ता बोनस सेयर आइतबार नेप्सेमा सूचिकृत भएको छ । लगानीकर्ताले अब यो सेयर किनबेच गर्न पाउने छन् ।
त्यस्तै नेरुडे लघुवित्तको पाँच लाख ५० हजार कित्ता बोनस सेयर बजारमा सूचिकृत भएको छ । एनएमबी माइक्रो फाइनान्स (क्लिन भिलेज माइक्रोफाइनान्स), माउण्ट मकालु डेभलपमेन्ट बैंकको ६० हजार कित्ता, ज्योति विकास बैंकको सात लाख ६२ हजार पाँच सय तीन कित्ता र एकता विकास बैंकको दुई लाख ७७ हजार चार सय कित्ता बोनस सेयर सूचिकृत भएको छ ।
आइतबार मात्रै पुँजी बजारमा ४३ लाख ८१ हजार नौं सय ५५ कित्ता बोनस सेयर थपिएको हो ।
५ असार २०७३, १।००
वि.सं.२०७३ असार ५ आइतवार १५:२० मा प्रकाशित