काठमाडौ । नेपाल धितोपत्र बोर्डमा एकैदिन ६ वटा कम्पनीले बोनस सेयर दर्ता गराएका छन् । चैत १६ गते विभिन्न ६ कम्पनीले आफ्ना लगानीकर्ताहरुका लागि दिइने बोनस सेयर दर्ता गराएका हुन् ।
अल्पाइन डेभलपमेन्ट बैंक, कैलाश बिकास बैंक, सिद्धार्थ बैंक लिमिटेड, स्वालम्वन लघुवित्त विकास बैंक, जनता बैंक र सुमित माइक्रो फाइनान्स डेभलपमेन्ट बैंकले लगानीकर्तालाई दिइने बोनस सेयर बोर्डमा दर्ता गराएका छन् ।
एकैदिन बोनस सेयर दर्ता गराउने कम्पनीमध्ये सबैभन्दा धेरै बोनस सुमित माइक्रोफाइएनान्सले दिने भएको छ । सो फाइनान्सले आफ्ना लगानीकर्ताहरुको लागि ४५ प्रतिशत बोनस सेयर दिने भएको छ ।
त्यस्तै सिद्धार्थले ३९, स्वालम्वनले ३४, कैलासले २५, अल्पाइनले १४.५० र जनताले १२ प्रतिशत बोनस सेयर दिने भएका छन् ।
प्रकाशित मितिः २०७३ चैत २२
वि.सं.२०७३ चैत २२ मंगलवार १२:५० मा प्रकाशित