काठमाण्डौं । यातायात व्यवस्था विभागले अनुमति प्राप्त नगरी बीपी राजमार्ग (काठमाडौं–बनेपा–बर्दिवास सडक) मा रात्रि सेवाका सार्वजनिक सवारी साधन सञ्चालन नगर्न निर्देशन दिएको छ।
प्रमाण पत्रमै बनेपा–सिन्धुली–बर्दिवासमा सञ्चालन हुने भनी उल्लेख गरिएका सार्वजनिक सवारी साधनले मात्र यो रुटमा सञ्चालन हुन पाउने विभागले स्पष्ट पारेको छ। अब कलंकी हुँदै पूर्वी तराई जाने सवारी साधनले यो रुटबाट जान पाउने छैनन्।
बिपी राजमार्गमा अनाधिकृत रुपमा कसैले पनि कुनै पनि प्रकृतिको यात्रुवाहक सार्वजनिक सवारी (रात्रि सेवा) सञ्चालन गरेको पाइएमा स्थानीय प्रशासनको सहयोगमा आवश्यक कारबाही गर्ने समेत जनाएको छ।
पछिल्लो समय मुग्लिन नारायणगढ सडक खण्डमा बेलाबेलामा अवरोध आएपछि अनुमति नलिएका सवारी साधनसमेत यही रुटबाट चल्न थालेको भन्दै विभागले यस्तो निर्देशन दिएको हो।
१९ असार २०७३, १०।४५
वि.सं.२०७३ असार १९ आइतवार १३:४७ मा प्रकाशित