काठमाडौ । ब्राजिल सात वर्षपछि फेरि फुटबलको विश्व बरियतामा शीर्ष स्थानमा फर्किएको छ । विश्व फुटबलको प्रशासकीय निकाय फिफाले बिहीबार जारी गरेको नयाँ बरियता क्रममा ब्राजिल अर्जेन्टिनालाई पछि पार्दै शीर्ष स्थानमा उक्लिएको हो ।
गएको हप्ता भएको खेलमा जित निकाल्दै सन् २०१८ मा रुसमा हुने विश्वकपका लागि स्थान पक्का गर्ने पहिलो टिम बनेसँगै ब्राजिल शीर्ष स्थानमा फर्किएको हो । सन् २०१० को विश्वकपमा नेदरल्याण्डससँग पराजितपछि शीर्ष स्थानबाट झरेको ब्राजिल पहिलो पटक फेरि एक नम्बरमा पुगेको हो । लामो समयदेखि शीर्ष स्थानमा रहँदै आएको अर्जेन्टिना भने दोस्रो स्थानमा छ ।
यसअघिको बरियतामा एक सय ७० औं स्थानमा रहेको नेपालको बरियता भने केही परिवर्तन भएको छैन । दक्षिण एसियामा नेपाल पाँचौं स्थानमा छ । यो क्षेत्रको पहिलो स्थानमा भारत रहेको छ ।
प्रकाशित मितिः २०७३ चैत २५
वि.सं.२०७३ चैत २५ शुक्रवार १३:५६ मा प्रकाशित