काठमाण्डौं । खुलामञ्चको लगभग आधा भागलाई जस्तापाताले बेरेर कालोपत्रे गरिएपछि भोलिबाट यहाँ अस्थायी पुरानो बसपार्क बनाइने भएकोछ । अहिले बसपार्क रहेको स्थानमा टावर निर्माणको काम थाल्न बसपार्क सारिएको हो।
भोलि बुधबारदेखि पुरानो बसपार्क खाली गरिनेछ र काठमाडौँ उपत्यकाभित्र र अरनिको राजमार्गमा चल्ने रुटका बसहरु यहाँ रोकिने भएका छन् । वीर अस्पतालतिरबाट बस प्रवेश गर्नेछ भने विद्युत प्राधिकरणको कार्यालयतिरबाट बस बाहिर निस्कनेछ।
काठमाडौं महानगरपालिका र जलेश्वर स्वच्छन्द बिकोइ विल्डर्स प्रा।लि। बीच पुरानो बसपार्कमा काठमाडौं टावर निर्माण गर्ने सम्झौता भएको थियो। सम्झौताअनुसार कम्पनीले आफ्नै लगानीमा टावर बनाएर ३० वर्षसम्म चलाउने छन्। २९ तल्ला बनाउने भनिएको सो टावर भूकम्पपछि १२ तल्ला बनाउने नक्सा स्वीकृत भएको छ।
२१ बैशाख २०७३, २।००
वि.सं.२०७३ वैशाख २१ मंगलवार १५:५४ मा प्रकाशित
