काठमाण्डौं । नेपालमा रेडियोमा बज्ने विज्ञापनहरु मध्ये सर्वाधिक याद रहने विज्ञापन हात्ती बलियो कि हात्तीछाप चप्पल बलियो ? उस्तै उस्तै हो नानु सबैलाई याद भएकै हो । नेपालको चर्चित जुत्ता गोल्डस्टार र हात्तीछाप चप्पलका मालिक वरिष्ठ उद्यमी एवम् बैङ्कर नुरप्रताप जङ्गबहादुर राणाको ७६ वर्षको उमेरमा हिजो निधन भएको छ ।
फोक्सोको समस्याबाट पीडित राणाको उपचारका क्रममा भारतको नयाँदिल्लीस्थित फोर्डिस अस्पतालमा निधन भएको युनिभर्सल ग्रुपका मानव संसाधन प्रमुख सुरेन्द्र निरौलाले जानकारी दिए। स्वर्गीय राणा कुमारी बैंकका पूर्वअध्यक्षसमेत थिए।
स्वर्गीय राणाको लगानीमा अन्य ठूला उद्योगहरु समेत सञ्चालनमा रहेका छन् । उनको लगानीमा युनिभर्सल फार्मस्युटिकल्स औषधि उद्योग र त्रिशूल ग्याससमेत सञ्चालनमा छ। स्वर्गीय राणाको श्रीमती, दुई छोरा, एक छोरी छन् ।
१२ चैत २०७२, ९.००
वि.सं.२०७२ चैत १२ शुक्रवार ११:२८ मा प्रकाशित
