काठमाडौ । नबिल ब्यालेन्स्ड फन्ड–१ ले ४२ प्रतिशत र एनआइबीएल क्यापिटलले एनआइबीएल समृद्धि फन्ड–१ का इकाईधनीहरुलाई १८ प्रतिशत गरी दुवैले गरी कुल ६० प्रतिशत नगद लाभांश दिने भएका छन् ।
नबिल इन्भेस्टमेन्ट बैंकिङले नेप्सेमा दिएको जानकारी अनुुसार नबिल ब्यालेन्स्ड फन्ड–१ ले ४२ प्रतिशत नगद लाभांश दिने भएको हो । म्युचुअल फन्डले गत आर्थिक वर्षको कमाईबाट लगानीकर्तालाई आकर्षक नगद लाभांश प्रस्ताव गरेको हो ।
नगद लाभांश वितरण गर्ने प्रयोजनका लागि नबिल ब्यालेन्स्ड फन्ड–१ ले भदौ ११ गते बुक क्लोज गर्दैछ ।
यस्तै एनआइबीएल क्यापिटलले एनआइबीएल समृद्धि फन्ड–१ का इकाईधनीहरुलाई १८ प्रतिशत नगद लाभांश दिने भएको छ । एनआइबीएल क्यापिटलको पछिल्लो सञ्चालक समिति बैठकले १८ प्रतिशत नगद लाभांश दिने निर्णय गरेको हो । लाभांश वितरणका लागि एनआइबीएलले भदौ १३ गते समृद्धि फन्डको बुक क्लोज गर्ने भएको छ । यसआधारमा भदौ १२ गतेसम्म कायम इकाईधनीमात्र लाभांशको हकदार हुनेछन् ।
एनआइबीएल क्यापिटलको व्यवस्थापनमा एआइबीएल समृद्धि फन्ड १ र एआइबीएल प्रगति फन्ड सञ्चालनमा छन् ।
प्रकाशित मितिः २०७४ भदौ १
वि.सं.२०७४ भदौ १ बिहीवार ११:४८ मा प्रकाशित