काठमाडौ । सेञ्चुरी बैंकले अरनिको र इन्नोभेटिभ डेभलपमेन्ट बैंकलाई एक्वायर गरी ६५ लाख ५६ हजार ६४० कित्ता सेयर नेप्सेमा सूचीकृत गराएको छ । इन्नोभेटिभसँग १००ः८५ र अरनिकोसँग १००ः९० अनुपातको सेयर स्वाप रेसियोको आधारमा कायम भएको यी दुई विकास बैंकको सेयर सेञ्चुरीले आफ्नो नाममा सूचीकृत गराएको हो ।
सेञ्चुरी, अरनिको र इन्नोभटिभले जेठ २८ गतेदेखि नै एकीकृत कारोबार सुरु गरिसकेका छन् । अरनिको र इन्नोभेटिभलाई एक्वायर गरेपछि सेञ्चुरीको चुक्ता पुँजी ४ अर्ब ७१ करोड रुपैयाँ भन्दा धेरै भएको छ । यो पुँजीबाट ४० प्रतिशत हकप्रद ल्याउन धितोपत्र बोर्डसँग अनुमति पनि मागेको छ ।
प्रकाशित मितिः २०७४ असार ८
वि.सं.२०७४ असार ८ बिहीवार १२:४९ मा प्रकाशित