काठमाण्डौं । सेञ्चुरी कमर्सियल बैंकले रुपन्देहीको भैरहवामा केन्द्रिय कार्यालय रहेको इन्नोभेटिभ डेभलपमेन्ट बैंकलाई खरिद गर्ने भएको छ । यसका साथै, बैकले आफ्ना सेयरधनीहरुलाई ३० प्रतिशत हकप्रद सेयर पनि दिने भएको छ ।
इन्नोभेटिभलाई सेञ्चुरीले किन्ने भएपछि आइतबार देखि नै नेप्सेमा इन्नोभेटिभको सेयर कारोबार रोक्का भएको छ । हाल सेञ्चुरी बैंकको २ अर्ब ८४ करोड रुपैयाँ चुक्तापूँजी रहेको छ । बैंकले २९ करोड पूँजी भएको इन्नोभेटिभलाई किन्न लागेको हो ।
त्यस्तै, सेञ्चुरीले हकप्रद सेयर निष्काशनका लागि सिभिल क्यापिटललाई सेयर निष्काशन तथा बिक्री प्रबन्धक नियुक्त गरिसकेको छ ।
१२ असार २०७३, २.३०
वि.सं.२०७३ असार १२ आइतवार १४:३९ मा प्रकाशित