काठमाडौँ । स्थानीय चुनावको मिति घोषणा भएसंगै राजनीतिक दलका नेता कार्यकर्ता चुनाव केन्द्रित कार्यक्रममा व्यस्त भएका छन् । झन्डै दुई दशक पछी हुन लागेको चुनावमा आकांक्षि उम्मेद्वार पनि प्रसस्तै मैदानमा देखिन थालेका छन् ।
प्रदेश नं. ३ कै महत्वपूर्ण मानिएको चन्द्रागिरि नगरपालिकामा मेयरका आकांक्षि दर्जन बढीदेखिएका छन् । एमालेबाट मात्रै झन्डै आधा दर्जनको हाराहारीमा नेताहरुको दौडधुप सुरु भाईसकेको छ । ४४ हजार हाराहारीमा मतदाता रहेको चन्द्रागिरि नगरपालिकामा १५ वटा वडा रहेको छ । कलंकीदेखि पश्चिमका साबिक ११ वटा गाबिस मिलेर बनेको यस नगरपालिकाको स्थानिय चुनाबको पछिल्लो अवस्था हेर्ने हो भने एमालेले बाजी मार्ने निश्चित जस्तै छ । तर लामो समयदेखि स्थानिय चुनाव नहुनु, संसदीय चुनाबमा काँग्रेसको जित र बहालवाला प्रधानमन्त्रीको चुनाव क्षेत्र भएका कारण एमालेलाई चुनौति पनि उत्तिकै छ । एमालेमा आकांक्षितको व्यवस्थापन र लोकप्रिय उम्मेद्वार छनोटमा ध्यान दिने हो भने सजिलै जित्ने कांकलन स्थानीयको छ ।
बलियो शक्ति मानिएको नेकपा एमालेमा कस्ले टिकट ल्याउला भन्ने बहस यतिबेला उत्कर्समा छ । पुर्व गाविस अध्यक्ष प्रल्हादबहादुर कार्की, हरिशरण थापा, गोपिचन्द्र कार्की, रमा आलेमगर, दिपक पनेरु, भाइकृष्ण बलामी लगायतको नाम यतिबेला आकांक्षिको सूचिमा छ । आकांक्षिको सूचि जतिसुकै लामो भए पनि नगर कमिटि संयोजक रहेका प्रल्हादबहादुर कार्की स्थानीयको माझमा लोकप्रिय देखिएका छन् । दुई पटक गाबिस अध्यक्षको सफल नेतृत्व गरिसकेका कार्की पार्टी र जनताको नजरमा अन्य आकांक्षि भन्दा अगाडी देखिएका छन् । सबैभन्दा बढी मतदाता रहेको साबिक गाबिस अध्यक्ष रहेको कारणले पनि चन्द्रागिरिमा कार्कीको दावी स्वत बलियो देखिएको स्थानीय बताउँछन् । पार्टीबाट टिकेट फुत्काउन अझै दुई साता बाँकी छ, हेरौं कस्ले मार्ला बाजी !
१७ चैत २०७३
वि.सं.२०७३ चैत १७ बिहीवार १३:३३ मा प्रकाशित