काठमाण्डौं । छिमेक लघुवित्त विकास बैंकले आफ्ना सेयरधनीहरुलाई आर्थिक वर्ष २०७२/७३ को मुनाफाबाट ४० प्रतिशत बोनस सेयर र १२.७० प्रतिशत नगद लाभांश दिने भएको छ ।
बैंकको हेटौंडामा भएको १५औंं वार्षिक साधारणसभामा बैंकले यस्तो घोषणा गरेको हो । बैंकले आर्थिक वर्ष २०७२/७३ मा ४७ करोड १५ लाख ५ हजार १ सय ८४ रुपैंया खुद मुनाफा गर्न सफल भएको जनाउँदै बोनस र लाभांशको घोषणा गरेको हो ।
काठमाण्डौंको बानेश्वरमा केन्द्रीय कार्यालय रहेको राष्ट्रिय स्तरको यस बैंकको हाल अधिकृत पूँजी १ अर्व, जारी पूँजी ५९ करोड ५७ लाख ४७ हजार ६ सय र चुक्ता पूँजी ५९ करोड ५७ लाख ४७ हजार ६ सय रहेको छ ।
१४ पुस २०७३, १२।००
वि.सं.२०७३ पुस १४ बिहीवार १३:०४ मा प्रकाशित