काठमाण्डौं । लमजुङ जिल्लाका आयोजना प्रभावितका लागि छ्याङ्दी हाइड्रोले दुई लाख ७० हजार कित्ता साधारण सेयर आज बुधबारदेखि निष्काशन गरेको छ । हाइड्रोले सर्वसाधारणमा सात लाख २० हजार कित्ता मध्येबाट आयोजना प्रभावितका लागि उक्त सेयर निष्काशन गरेको हो ।
सेयरमा आवेदन गर्न लगानीकर्ताले फलेनी गाविसमा रहेको हाइड्रोको साइट कार्यालय, ग्लोबल आईएमई बैंक, बेंशिशहर, प्यासिफिक डेभलपमेण्ट बैंक, भोटेओडार र कैलाश विकास बैंक बेंशिशहरमा सम्पर्क राख्नु पर्ने हुन्छ । कम्पनीको सेयर निष्काशन तथा बिक्रि प्रबन्धकमा ग्लोबल आईएमई क्यापिटल रहेको छ । यो साधारण सेयरमा लगानीकर्ताले छिटोमा माघ ५ र ढिलोमा माघ २० गतेसम्ममा आवेदन दिनु पर्ने हुन्छ ।
कम्पनीका अनुसार आयोजनाबाट अति प्रभावित तथा प्रभावित लमजुङका फलेनी, बसन्तपुर, ढडेनी, चिति, नौथर र बेंशीशहर नगरपालिकाका बासिन्दालाई ४० प्रतिशत, तथा अरु न्युन प्रभावित बासिन्दाहरुका लागि २० प्रतिशतका दरले सेयर बाँडफाँड गरिने छ ।
लमजुङकोे फलेनी र वन्सार गाविसको मध्य भागमा रहेको छन्दी खोलामा निर्माण सम्पन्न भएको २ मेगावाट क्षमताको जलविद्युत आयोजनाले नियमित विद्युत उत्पादन सुरु गरी केन्द्रिय प्रशारण लाइनबाट विद्युत बितरण गरिरहेको छ ।
२० पुस २०७३, ११।००
वि.सं.२०७३ पुस २० बुधवार १२:०३ मा प्रकाशित
