काठमाण्डौं । छ्याङ्दी हाइड्रोपावर लिमिटेडले पुस २० गतेबाट आयोजना प्रभावितलाई साधारण सेयर निस्कासन गर्ने भएको छ। दुई मेगावाटको आयोजनाले स्थानीय अर्थात् लमजुङ जिल्लावासीलाई १० प्रतिशत सेयर वितरण गर्न लागेको हो ।
कम्पनीले १०० रुपैयाँ अंकित दरका दुई लाख ७० हजार कित्ता सेयर जारी गर्न लागेको हो। सेयरमा कम्तिमा ५० कित्ता र वढिमा एक हजार कित्तासम्मका लागि आवेदन दिन सकिन्छ। यो सेयर माघ ५ गतेसम्म भर्न पाउँनेछन्। कम्पनीको सेयरको निस्कासन तथा बिक्री प्रबन्धकमा ग्लोबल आइएमइ क्यापिटल छ ।
कुल दुई लाख ७० हजार कित्ता सेयरमध्ये आयोजनाले अति प्रभावित गर्ने फलेनी र बन्सर गाविस वासिन्दालाई ४० प्रतिशत, चिती, ढोडेनी, नौथर र बेसीशहरवासीलाई ४० प्रतिशत र २० प्रतिशत लमजुङ जिल्लाका बाँकी गाविस तथा नगरपालिका वासिन्दालाई वितरण गरिने कम्पनीले जनाएको छ।
१० पुस २०७३, ११।००
वि.सं.२०७३ पुस १० आइतवार ११:४१ मा प्रकाशित
