काठमाडौं । उपत्यकामा संचालनमा आइरहेका ११ वटा सिनेमा हलले मनरोञ्जन कर वापतको साढे २ करोड रुपैयाँ तिर्न बाँकी रहेको महानगरपालिका राजस्व विभागले जनाएकोछ । यसरी कर नतिर्ने हलहरुलाई कारवाही गर्न लागिएको पनि विभागले जानकारी दियो ।
काठमाडौंमा ११ ओटा हल सञ्चालनमा छन् । ती हलहरुको मनोरन्जन कर वापत बार्षिक २५ लाख रुपैयाँ कर बक्यौता रहेको छ । महानगरले २०५६ देखि फिल्म हलको घरजग्गा, सवारी, व्यवसाय, विज्ञापन तथा मनोरन्जन कर लिन थालेको हो । उपत्यकामा संचालित कुनै पनि सिनेमा हलले मनोरञ्जन कर नतिरेको महानगरपालिकाको राजस्व शाखाले बताएकोछ ।
कारवाहीका प्रक्रिया अनुसार सुरुमा बैंक खाता रोक्का गर्ने त्यसपछि पनि कर नतिरेमा सिनेमा हलको सामाग्री एवं जग्गा लिलामी गर्ने महानगरापलिकाले निर्णय गरेकोछ । सिनेमा हलले एउटा टिकटको २ प्रतिशतका दरले मनोरन्जन कर तिर्नुपर्ने हुन्छ । सिनेमा घरहरुले दर्शकबाट सो कर लिने गरेता पनि सरकारलाई भने हालसम्म उक्त कर तिरेको पाएको छैन ।
५ फागुन २०७२, ११.००
वि.सं.२०७२ फागुन ५ बुधवार ११:२० मा प्रकाशित
