काठमाण्डौं । नेपाल धितोपत्र बोर्डले नागरिक लगानीकोषलाई संस्थागत लगानीकर्ताको रुपमा सेयरबजारमा भित्र्याउन अन्तिम तयारी भईरहेको जनाएको छ । यसका लागि बोर्डले नेपाल स्टक एक्सचेञ्जलाई निर्देशन दिने भएकोछ ।
आज बुधबार बोर्डले आयोजना गरेको नियमित पत्रकार भेटघाट कार्यक्रममा यस विषयमा जानकारी दिइएको हो । कार्यक्रममा बोर्डका अध्यक्ष डा रेवत बहादुर कार्कीले धितोपत्र बोर्डले गठन गरेको प्राविधिक पक्ष अध्ययन समितिले अध्ययन प्रतिवेदन बुझाएको जानकारी दिएका छन् । नागरिक लगानीकोष सेयरबजारमा भित्रिएपछि बजारको स्थायित्व निश्चित हुनुका साथै बजारको आकार समेत बढ्ने अपेक्षा गरिएको छ ।
पत्रकार भेटघाटमा बोर्डले पछिल्लो दुई महिनामा गरेको कार्य प्रगति विवरण समेत प्रस्तुत गरेको थियो ।
१२ साउन २०७३, ३।००
वि.सं.२०७३ साउन १२ बुधवार १५:५१ मा प्रकाशित