काठमाण्डौं । सिभिल बैंकले युनिक फाइनान्स लिमिटेडलाई खरिद गर्ने भएकोछ । सो खरिद सम्झौता पत्रमा सिभिल बैंकका अध्यक्ष ई. इच्छाराज तामाङ्ग र युनिक फाइनान्सका अध्यक्ष डा. बिनोद बहादुर खत्रीले हस्ताक्षर गरेका छन् ।
मर्जरपछि पनि बैंकको नाम सिभिल बैंक नै रहने तथा बैंकको हालकै संचालक समितिएवं उच्च व्यवस्थापन यथावत हुने बताइएको छ । रु २३ करोड चुक्ता पुँजीे रहेको युनिक फाइनान्सको खरिद पश्चात र २ अर्ब चुक्तापुँजी रहेको इन्टरनेसनल लिजिङ एन्ड फाइनान्स कम्पनीसँग मर्जर गरेपछि सिभिल बैंकको पुँजी रु ५ अर्ब ३१ करोड पुग्ने बताइएकोछ ।
यो मर्जरबाट बैंकको व्यवसाय गर्ने क्षमता वृद्घि भई केहि ठूला परियोजनाहरु लगायतउद्योग व्यवयसायमाथपलगानीगर्न सहजहुने बैंकका प्रमुख कार्यकारी अधिकृत किशोर महर्जनले बताए । टी–ट्वाइन्टी नामक अत्याधुनिक अपरेटिङ्ग सफ्टवेयर प्रयोग गरेको यस बैंकले आगामी दिनहरुमा नयाँ तथा ग्राहकमुखी थप सेवाहरु पनि थप्दै लाने जनाएको छ ।
२० साउन २०७३, १२।००
वि.सं.२०७३ साउन २० बिहीवार १३:३९ मा प्रकाशित