काठमाडौं । छोटो समयमै नेपालको ७२ जिल्लामा आफ्नो ईन्टरनेट तथा इन्ट्रानेट सेवाको सञ्जाल पु¥याउन सफल क्लासिक टेक प्रालिले नेपालमै पहिलो पटक घरायसी प्रयोजनको लागि १०० एमबिपिएस सेवा बजारमा ल्याएको छ ।
विश्वकै उत्कृष्ट जिपिओएन प्रविधिमा आधारित फाईबर टु द होम ईन्टरनेट सेवाको माध्यमबाट क्लासिक टेकले ग्राहकलाई सुपरफास्ट ईन्टरनेट सेवा उपलब्ध गराउन सकेको पम्पनीले प्रेस विज्ञप्ति मार्फत जानकारी दिएको छ । सुपरफास्ट ईन्टरनेटलाई सुपथमुल्यमा उपलब्ध गराउने उद्देश्यका साथ क्लासिक टेकले चाडवाड अफर बजार ल्याएको छ । वार्षिक ग्राहकहरुलाई ६ एमबिपिएसको प्रतिमहिना रु ९१६, १५ एमबिपिएसको प्रतिमहिना रु १०४२, ३० एमबिपिएसको प्रतिमहिना रु १२०८, ६० एमबिपिएसको प्रतिमहिना रु १५२५, र १०० एमबिपिएस अनलिमिटेडको प्रतिमहिना रु २९१६ को दरमा उपलब्ध गराएको जनाएको छ ।
यो अफर नेपाल भरका विभिन्न १६ वटै शाखाहरुमा लागु हुनेछ कम्पनीले जनाएको छ । साथै सुपरफास्ट ईन्टरनेटसँगै टिभीको मज्जा लिन क्लासिक टेकले डिस होमको खरिदमा भारी छुटको अफर ल्याएको छ । यो अफर क्लासिक टेकको ग्राहकलाई मात्र उपलब्ध हुनेछ । यसका साथै कम्पनिले चाडवाड मनाउने लक्ष लिएर ग्राहकवर्गको घर दैलोमा बिभिन्न कार्यक्रमहरु लिएर जाने योजना बनाएको छ । हालसालै इन्द्रजात्राको अवसर पारी काठमाण्डौ, भक्तपुर, ललितपुर र बनेपामा लाखेनाच आयोजना गरेको थियो ।
प्रकाशित मिति ः २०७४ मदौ २२
वि.सं.२०७४ भदौ २२ बिहीवार १७:४८ मा प्रकाशित
