काठमाण्डौं । करिब ६ करोड रुपैयाँ बराबरको कोकिन बोकेर काठमाण्डौं आइपुगेकी महिलालाई नेपाल प्रहरीको लागु औषध नियन्त्रण ब्युरोले पक्राउ गरेको छ। ब्युरोको टोलीले ठमेलबाट दक्षिण अफ्रिकाकी ३७ वर्षिया एम प्याथोनीलाई ५ वटा स्याम्पुको बट्टामा लुकाइ राखेको कोकिनसहित पक्राउ गरेको हो।
उनले १४ मार्चमा जोहानेसबर्गबाट दोहा हुँदै कोकिन नेपाल ल्याएकी थिइन्। उनले सो कोकिन भारतको नयाँ दिल्ली हुँदै इटाली र नेदरल्याण्ड लैजान लागेको अनुसन्धानबाट खुल्न आएको प्रहरीले जनाएको छ। प्याथोनीसँगै भारतीय नागरिक ४१ वर्षिया मेर्सीलाई पनि प्रहरीले पक्राउ गरेको छ। प्रहरीले उनीहरुका बारेमा थप अनुसन्धान भइरहेको जनाएको छ।
१५ चैत २०७२, ३.००
वि.सं.२०७२ चैत १५ सोमवार १५:४४ मा प्रकाशित
