काठमाण्डौं । नेपाल धितोपत्र बोर्डको प्रस्तावमा अर्थ मन्त्रालयले सेयर कारोबारमा ब्रोकरका लागि तिर्नुपर्ने शुल्क घटाएकोछ । धितोपत्र व्यवसायी नियमावली संशोधन गर्दै मन्त्रालयले बोक्ररले पाउने कमशिन कटौती गरेको हो ।
अब लगानीकर्ताले ५० हजार रुपैयाँसम्म सेयर कारोबार गर्ने लगानीकर्ताले ०।६० प्रतिसतका दरले कमिशन तिर्नुपर्छ । त्यस्तै ५० हजार भन्दा माथि पाँच लाखसम्मको कारोबार गर्नेले ०।५५ प्रतिशत, पाँच देखि २० लाखसम्मको कारोबार गर्नेले ०।५० प्रतिशत, २० लाख देखि एक करोड रुपैयाँसम्म कारोबार गर्नेले ०।४५ प्रतिशत र एक करोड रुपैयाँ भन्दा माथिको कारोबार गर्नेले ०।४० प्रतिशतका दरले कमिशन तिर्नु पर्ने छ ।
नेपाल स्टक एक्सचेन्ज (नेप्से)ले यो नयाँ कमिशन दर लागु गर्नेछ । यो कमिशन दरलाई छिटोभन्दा छिटो लागु गर्न धितोपत्र बोर्डले नेप्सेलाई निर्देशन दिएको छ ।
नयाँ व्यवस्थामा साना लगानीकर्तालाई बढी र ठूला लगानीकर्तालाई कम दरमा कमिशन लाग्ने भएको छ । सानाले ०।६० प्रतिशत र ठूलाले ०।४० प्रतिशत कमिशन तिर्नुपर्छ । यसका साथै, धितोपत्र बोर्डलाई ब्रोकरले ०।६ प्रतिशतका दरले शुल्क बुझाउनु पर्ने नयाँ व्यवस्था गरिएको छ । यस अघि बोर्डलाई शुल्क तिर्नु पर्दैनथ्यो ।
६ साउन २०७३, ९।००
वि.सं.२०७३ साउन ६ बिहीवार ११:३५ मा प्रकाशित
