काठमाण्डौं । नेप्से परिसूचक आज १५.३१ अंकले बढेको छ भने यसलाई उचाईमा लैजान सात कम्पनीले महत्वपूर्ण भूमिका खेलेका छन् । ती सात कम्पनीको सेयरले बजारमा उक्लिदा नेप्से १५४६ अंकमा चुलिन पुगेको हो ।
वमी माइक्रोफाइनान्स, प्रुडेन्सियल इन्स्योरेन्स, नेपाल इन्स्योरेन्स, युनाइटेड इन्स्योरेन्स, ओम डेभलपमेन्ट बैंक, कञ्चन डेभलपमेन्ट बैंक र नेपाल कम्युनिटी डेभलपमेन्ट बैंकको सेयर मूल्य करिब १० प्रतिशतले बढ्न पुग्दा नेप्से परिसूचक पनि अगाडि बढेको हो ।
आज दिनभरमा एक अर्ब २९ करोड रुपैयाँको सेयर कारोबार भएको छ । यसमा बंगलादेश बैंकको सेयर कारोबारले प्रमुख भूमिका निर्वाह गरेको छ । यो बैंकको मात्रै १४ करोड ४८ लाख रुपैयाँको सेयर किनबेच भयो । यो बैंकले हकप्रद दिने हल्ला चलेपछि बजार तातेको हो । त्यस्तै, नेपाल लाइफ इन्स्योरेन्सको पनि १३ करोड नौ लाख रुपैयाँको सेयर किनबेच भयो । त्यस्तै हिमालयन जनरल इन्स्योरेन्सको १२ करोड रुपैयाँको सेयर किनबेच भयो ।
२६ जेठ २०७३, ३.३०
वि.सं.२०७३ जेठ २६ बुधवार १६:३८ मा प्रकाशित
