काठमाण्डौं । नयाँ पर्यटकीय गन्तव्य चन्द्रागिरि हिल्समा रामनवमीको अवसरमा चैत २३ गते अर्थात् अप्रिल ५ मा निःशुल्क कन्सर्ट हुने भएको छ । रामलिला शो, स्ट्याण्ड अप कमेडीसहित शिव परियारको बेजोड प्रस्तुति रहने कार्यक्रमको ब्यवस्थापन दिनेश डीसी प्रोडक्सनले गर्ने बताइएको छ ।
सो दिन चन्द्रागिरी केबलकारको भ्रमणमा जाने सबैलाई उक्त कन्सर्टमा निःशुल्क सहभागिताको सुविधा प्रदान गरिने भएको छ ।
ऐतिहासिक, धार्मिक तथापर्यटकीय गन्तव्यको रुपमा रहेको चन्द्रागिरि डाँडामा भालेश्वर महादेव मन्दिर, सत्तल, भ्यू टावर, चिल्ड्रेन पार्क र सेमिनार हल लगायतका पूर्वाधार निर्माण गरिएको छ भ्यूटावरबाट सगरमाथा लगायत अन्य हिमश्रृखलाहरुको समेत दृश्यावलोकन गर्न सकिन्छ ।
२१ चैत २०७३, ७।००
वि.सं.२०७३ चैत २१ सोमवार ०७:३१ मा प्रकाशित
