काठमाडौं । कमजोर अमेरिकी डलर र चीनको बलियो आर्थिक तथ्याङकका कारण तामाको मूल्य बढेर अमेरिकी डलर २ दशमलव २६५३ प्रति पाउण्ड पुगेको छ । यो मूल्य दुई महिनायताकै अधिक मूल्य हो ।
२२ अप्रिल २०१६ मातामाको मूल्य बढ्दै नोभेम्बर २०१५ यताकै अधिक अमेरिकी डलर २ दशमलव २९१८ मा कारोबार भएको थियो । त्यस पश्चात् मूल्यमा गिरावट आई ९ जुन २०१६ मा तामाको कारोबार अमेरिकी डलर २ दशमलव ३० मा भएको थियो । हाल अन्य मुद्राको तुलनामा अमेरिकी डलर कमजोर भएको छ । जसकारण अमेरिकी डलरमा निर्भर तामाको मूल्यमा त्यसको असर परेको छ ।
चीनको राष्ट्रिय तथ्याङक विभाग द्वारा प्रकाशित विज्ञप्ति अनुसार, चीनको आर्थिक वृद्धिदर दोस्रो त्रैमासमा २०१५ को तुलनामा ६ दशमलव ७ प्रतिशतले बढेको छ । सोहि विज्ञप्तिले, औद्योगिक उत्पादन पनि ६ दशमलव २ प्रतिशतले बढेको जनाएको छ । चीन तामाको प्रमुख उपभोक्ता भएको कारण, उल्लेखित तथ्याङकले गर्दा चाँदिको मूल्यअझ बढ्न सक्ने सम्भावना छ ।
प्रकाशितः २०७३ साउन १
वि.सं.२०७३ साउन १ शनिवार ११:०७ मा प्रकाशित