काठमाण्डौं । कसमस डेभलपमेण्ट बैंकले १७ हजार कित्ता सेयर शेयर लिलाम सुरु गरेको छ । गत साउन ११ गतेदेखि बैंकले निष्काशन गरेको ५० प्रतिशत हकप्रद सेयरमा नबिकेको ४ हजार ८ सय १९ कित्ता संस्थापक तथा १२ हजार २ सय ७ कित्ता साधारण सेयर लिलाम गरेको हो ।
बैंकको सेयर निष्काशन तथा बिक्री प्रबन्धक सिभल क्यापिटलमा लिलामबाट सेयर खरिद गर्न चाहनेले आवेदन दिन सक्नेछन् । प्रतिकित्ता सेयरको न्युनतम १ सय रुपैंयाका दरले कम्तीमा १ सय कित्ताका लागि आवेदन दिन सक्नेछन् ।
लिलामको सेयर खरिद गर्नका लागि लगानीकर्ताले कात्तिक १८ गतेसम्ममा आवेदन बुझाईसक्नु पर्नेछ । लिलामका लागि आएका बोलपत्रहरु कात्तिक १९ गते खोलिने बैंकले जनाएको छ ।
४ कार्तिक २०७३, ११।००
वि.सं.२०७३ कात्तिक ४ बिहीवार ११:५५ मा प्रकाशित
