काठमाडौं । कसमस डभलपमेन्ट बैंकले साउन ११ गतेदेखि ५ लाख तीन हजार एक सय २५ कित्ता हकप्रद सेयर जारी गर्ने भएको छ । कसमसले एक बराबर एक कित्ताको अनुपातमा एक सय रुपैंयाँ मुल्यका हकप्रद सेयर निष्कासन गर्न लागेको हो ।
हकप्रद सेयरको निष्काशन भदौ ३ गते बन्द हुनेछ । बैंकले हाल कायम रहेको पाँच करोड तीन लाख १२ हजार पाँच सयको चुक्ता पुँजीलाई दुई गुणा बढाउन हकप्रद सेयर जारी गर्न लागेको हो ।
बैंकले चैत मसान्तसम्ममा एक करोड ७० लाख नाफा कमाएको थियो ।
गोरखा जिल्लाको सदरमुकाम गोरखा बजार हरमटारीमा प्रधान कार्यालय रहेको बैंकले आरुघाट, घ्याम्पेसाल र पालुङटारमा गरी ३ वटा शाखा कार्यलयबाट बैंकिङ सेवा प्रदान गरेको छ । त्यस्तै बैंकले गो.न.पा.–९, छेवेटारमा एक्सटेन्सन काउन्टर स्थापना गरिसकेको छ ।
प्रकाशितः २०७३ असार २७
वि.सं.२०७३ असार २७ सोमवार १२:५८ मा प्रकाशित
