नयाँ दिल्ली । भारतीय क्रिकेट बोर्ड बिसिसिआईले खेलाडीहरूसँगको वार्षिक सम्झौता नविकरण गर्दै बुधबार क्रिकेटरको नयाँ ग्रेड सार्वजनिक गरेको छ । यस्तै टेष्ट क्रिकेटबाट सन्यास लिनुका बाबजुद धोनीलाई बिसीसीआईले ए ग्रेडमै राखेको छ । बिसिसिआईले २०१५ को नोभेम्बरमा खेलाडीसँग अन्तिमपटक वार्षिक सम्झौता गरेको थियो। करिब डेढ वर्षपछि बिसिसिआईले खेलाडीसँग सम्झौता नवीकरण गरेको भारतीय समाचार एजेन्सीहरूले जनाएका छन्।
क वर्ग (वार्षिक स् दुई करोड भारु)
विराट कोहली, महेन्द्रसिंह धोनी, रविचन्द्रन आश्विन, अजिन्का राहाणे, चेतेश्वर पुजारा, मुरली विजय, रवीन्द्र जडेजाले वार्षिक २ करोड भारू पारिश्रमिक पाउनेछन्। उनीहरूले यसअघि १ करोड रूपैयाँ पाउने गरेका थिए। यस्तै म्याच फि अन्तर्गत टेष्ट खेलेवापत १५ लाख, एकदिवशीयको ६ लाख र टी-ट्वान्टीको ३ लाख प्रति खेल -म्याच फी पाउनेछन्।
ख वर्ग (वार्षिक पारिश्रमिकस् एक करोड भारू)
रोहित शर्मा, लोकेश लाहुल, भुवनेश्वर कुमार, मोहमद सामी, इशान्त शर्मा, उमेश यादव, ऋिद्धिमान साह जस्प्रित बुमराह, युवराज सिंह ख वर्गमा परेका क्रिकेटरहरू हुन्। उनीहरूले वार्षिक १ करोड भारू पाउँछन्। यसअघि ५० लाख भारू पाउने गरेका थिए। यस्तै म्याच फि अन्तर्गत टेष्ट खेलेवापत १५ लाख, एकदिवशीयको ६ लाख र टी(ट्वान्टीको ३ लाख प्रति खेल म्याच फी पाउनेछन्।
ग वर्ग (वार्षिक पारिश्रमिकस् ५० लाख भारु)
शिखर धवन, अम्बाती रायडु, अमित मिश्रा, मनीष पाण्डे, अक्षर पटेल, करुण नैर, हार्दिक पान्ड्या, आशिष नेहरा, केदार ज्यादब, युभ्जेन्द्र चहाल, पार्थिव पटेल, जयन्त यादव, मन्दीप सिंह, धवन कुलकर्णी ग श्रेणीमा परेका छन्। उनीहरूले वार्षिक ५० लाख भारू पारिश्रमिक पाउनेछन्। यसअघि ग श्रेणीका क्रिकेटरहरूको तलब २५ लाख भारू थियो।
यस्तै म्याच फि अन्तर्गत टेष्ट खेलेवापत १५ लाख, एकदिवशीयको ६ लाख र टी(ट्वान्टीको ३ लाख प्रति खेल म्याच फी पाउनेछन्।
१० चैत २०७३, १।३०
वि.सं.२०७३ चैत १० बिहीवार १३:४६ मा प्रकाशित
