काठमाण्डौं । पोर्चुगल तथा रियल मड्रिडका स्ट्राइकर क्रिस्टियानो रोनाल्डोले आइतबार पोर्चुगलको लिस्वनमा आफ्नै होटलको उद्घाटन गरेका छन् । फुटबलपछिको व्यवसायका लागि रोनाल्डोले आफ्नै होटल खोलेका हुन्।
होटलको उद्घाटनमा बोल्दै उनले भविष्यको लागि पनि सोच्नुपर्ने र आफूसँग फुटबल खेल्नका लागि करिब १० वर्षभन्दा धेरै समय बाँकी नभएकाले भविष्यतर्फ सोच्न थालेको र होटल खोलेको बताएका छन् ।
उनको होटलको नाम पेस्टना सिआरसेभेन लिस्वोअ रहेको छ । यो उनको दोस्रो होटल हो । रोनाल्डोले मडेइरास्थित फुन्चलमा पहिलो होटल खोलिसकेका छन् भने आगामी वर्ष मड्रिड र नयुयोर्कमा पनि होटल खोल्ने तयारीमा छन्।
१८ असोज २०७३, ११।००
वि.सं.२०७३ असोज १८ मंगलवार १२:२५ मा प्रकाशित