काठमाडौ । सिटीइभीटीले सञ्चालन गरेको प्रवेश परीक्षामा आउट भएको भनिएको प्रश्नपत्र परीक्षा पूर्व आउट नभएको प्रतिवेदन छानविन समितिले दिएको छ । सिटीइभीटीले साउन पहिलो साता सञ्चालन गरेको पूर्ण शुल्कीय प्रवेश परीक्षाको प्रश्नपत्र जनकपुरबाट आउट भएको समाचार बाहिर आएको थियो ।
परीक्षा सञ्चालन भएलगतै जनकपुरस्थित नेपाल टेक्नीकल इन्स्टिच्युटबाट प्रश्नपत्र बाहिरिएको समाचार बाहिर आएपछि सिटीइभीटीले तीन सदस्सीय छानविन समिति बनाएको थियो । जसका कारण लामो समय बितिसक्दा पनि सिटीइभीटीले लिएको प्रवेश परीक्षाको नतिजा सार्वजनिक हुन सकेको छैन् । ‘अब एक दुई दिनमै प्रवेश परीक्षाको रिजल्ट सार्वजनिक गर्छौं,’ सिटीइभिटी निकट उच्चस्रोतले भन्यो, ‘छानविन समितिले प्रश्नपत्र बाहिरिएको भनिएको घटनामाथि छानविन गर्दै परीक्षा पूर्व प्रश्नपत्र आउट नभएको प्रतिवेदन बुझाएको छ । ’
उक्त स्रोतले निष्पक्ष ढंगले छानविन गरिएकाले अब प्रवेश परीक्षा रद्ध गर्नुपर्ने कुनै कारण नभएको बताईएको छ । ‘त्यसैले हामी एक दुई दिनभित्रै प्रवेश परीक्षा नतिजा प्रकाशन गर्छौ,’ उच्च स्रोतले भन्यो । स्रोतकाअनुसार सोमबार वा मंगलबार प्रवेश परीक्षा नतिजा बाहिर ल्याउने गरी तयारी भइरहेको छ ।एजुकेशन समाचारबाट
प्रकाशित मितिः २०७४ साउन २३
वि.सं.२०७४ साउन २३ सोमवार १५:३९ मा प्रकाशित