काठमाडौं। बजारमा तरलताको अभाव भईरहेका बेला बैङ्कहरुले मुद्दती खातामा व्याज बढाएका छन् । यसै क्रममा सिभिल बैंकले नयाँ वर्षको अवसरमा उच्च प्रतिफल दिने मुद्दती खाताको योजना ल्याएको छ।
बैंकले २ सय २२ दिने मुद्दती खातामा १२ दशमलब २२ प्रतिशत ब्याज दिने जनाएको छ । बैंकले यस अघि देखिनै शुन्य मौज्दातको नेपाली बचत खातामा सर्वाधिक ८.५० प्रतिशत वार्षिक व्याजदर प्रदान गर्दै आएको छ।
बैंकका प्रमुख कार्यकारी अधिकृत गोविन्द गुरुङले नयाँ योजनाबाट ग्राहक लाभान्वित हुने दाबी गरे।उनले बैंकले आगामी दिनमा ग्राहक लक्षित योजना ल्याउने प्रतिवद्धता जनाए।
२०७४ पुष १४ गते प्रकाशित
वि.सं.२०७४ पुस १४ शुक्रवार १०:३७ मा प्रकाशित