पाल्पा । व्यावसायिक रुपमा पशुपालन गर्न थालेपछि रामपुर नगरपालिकाका किसानले दूध बेचेर मनग्य आम्दानी गर्न थालेका छन् । किसानले दूध बेचेर वार्षिक करिब रु ६० लाखसम्म आम्दानी गर्न थालेका छन् ।
रामपुर क्षेत्रमा उत्पादित दूध स्थानीय बजारमा नै खपत हुने गरेको छ । रामपुरमा मासिक २३ हजार लिटर दूध खपत हुने गरेको सीताकुण्ड दुग्ध उत्पादन सहकारी संस्थाले जनाएको छ । यस आवको ११ महिनाको अवधिमा रु ५८ लाखको दूध बिक्री भएको सहकारीका अध्यक्ष कमल भट्टराईले जानकारी दिए ।
सहकारीले बिना धितो आफ्ना सदस्यलाई रु ५० हजारसम्म ऋण उपलब्ध गराउने गरेको छ । चारवटा सङ्कलन केन्द्रमार्फत किसानले उत्पादन गरेको दूध डेरीसम्म पु¥याइन्छ । सहकारीले एकहजार ४ सय पशुको पशु बिमा समेत गरेको छ ।
३ असार २०७३, १।००
वि.सं.२०७३ असार ३ शुक्रवार १४:१५ मा प्रकाशित