अमेरिकामा एक दम्पतीको एक घण्टाभित्रमा निधन भएको छ । अमेरिकाको इलिनाइसका दम्पतीको ४० मिनेट भित्रमा निधन भएको हो ।
अल्जाइमरबाट पीडित ८९ वर्षकी टेरेसा वाट्किनको निधन भएको ४० मिनेटपछि उनका श्रीमान ९१ वर्षका इसाक वाट्किनको निधन भएको डेली हेराल्डले जनाएको छ । शनिबार टेरासाको निधन भएपछि श्रीमतीको हात समातेर बसेका इसाकको ४० मिनेट भित्रमा निधन भएको हेराल्डले उल्लेख गरेको छ ।
इसाक र टेरेसाको ६९ वर्षअघि विवाह भएको थियो । परिवारका सदस्यले वाट्किन दम्पती अन्तिमसम्ममा सँगै रहेको बताएका छन् । नाति विलियम वाट्किनले हजुरबुवा हजुरआमाको प्रेम निकै प्रगाढ रहेको र उहाँहरु एकसाथ रहेको बताए ।
प्रकाशित मितिः २०७४ बैशाख १४
वि.सं.२०७४ वैशाख १४ बिहीवार १३:०६ मा प्रकाशित