काठमाण्डौं । दसैंका लागि मुस्ताङबाट हिजो शनिबार बिहान आइपुगेको सात सय पचास च्याङ्ग्राको खाद्य संस्थानले आजबाट बिक्री सुरु गरेकोछ । साथै, संस्थाले मंगलबारदेखि खसी बोकाको पनि बिक्री सुरु गर्ने बताएकोछ ।
संस्थानले मुस्ताङमा एक हजार पाँच सय वटा च्याङ्ग्रा खरीद गरेको थियो । जसमध्य शनिबार काठमाडौं साढे सात सय च्यांग्रा ल्याएको हो । संस्थानले मुस्ताङका कृषकसँग प्रतिकिलो चार सय ८५ रुपैयाँमा खरिद गरेको हो ।संस्थानले च्यांग्राका लागि गोदावरी वन समितिसँग समन्वय गरेर घासको व्यवस्था गरेको छ ।
त्यस्तै, संस्थानले एक हजार पाँच सय वटा खसीबोका दाङ, मकवानपुर तथा सिरहा लगायतका जिल्लाबाट ल्याउँदै छ । संस्थानले स्थानीय किसानबाट किनेको हुँदा उपभोक्तालाई पनि च्याङ्ग्रा तथा खसीबोका बजार मुल्य भन्दा केही सस्तो पर्ने बताएकोछ ।
१६ गते २०७३, ११।००
वि.सं.२०७३ असोज १६ आइतवार ११:२७ मा प्रकाशित