काठमाण्डौं । डिप्रोक्स लघुवित्त विकास बैंकले आफ्ना सेयरधनीलाई शतप्रतिशत अर्थात एक बराबर एक हकप्रद सेयर दिने भएको छ। राष्ट्रियस्तरको हकप्रदको सम्बन्धी प्रस्ताव पारित गर्नका लागि बैंकले असार १५ गते विशेष साधारणसभा बोलाएको छ ।
साथै बैंकले विशेष साधारणसभा प्रयोजनका लागि आषढ ५ गतेदेखि १५ गतेसम्म सेयर धनी दर्ता पुस्तीका बन्द रहने जनाएको छ ।
नबिल बैंक, कृषि विकास बैंक, नेपाल बैंक, विकास आयोजना सेवा केन्द्र, लुम्बिनी फाईनान्स एण्ड लिजिङ्ग कम्पनी लगायतका बैंक तथा वित्तीय क्षेत्रका बिशेषज्ञहरुको प्रत्यक्ष लगानी र वित्तीय सेवा मार्फत महिला सशक्तिकरण तथा गरिवी निवारणको मुख्य उद्देश्यका साथ बैंकले ३६ जिल्लाका ६८ शाखाहरु मार्फत लघुवित्त सेवा प्रदान गर्दै आएको छ ।
गत आर्थिक बर्षको मुनाफाबाट ५० प्रतिशत बोनश दिएको बैंकले शतप्रतिशत हकप्रदको प्रस्ताव गरेको हो । बोनस सेयर बितरण पश्चात बैंकको चुक्ता पूँजी २५ करोड ७९ लाख रुपैंया पुगेको छ । हकप्रद सेयर वितरण पश्चात कम्पनीको चुक्तापूँजी ५१ करोड ५८ लाख रुपैयाँ नाघ्नेछ ।
३० जेठ २०७३, १२।००
वि.सं.२०७३ जेठ ३० आइतवार १३:०२ मा प्रकाशित